طبعا من العنوان شكلى بهزر.. لأن أكتر حاجة نعرفها إحنا المصريين عن التغيير هي تغيير الهدوم .. بذمتك غيرت حاجة غير هدومك بقالك كام سنة.
بس أنا بقي مش بهزر وبتكلم جد.. والتي شيرت اللي بتكلم عليه هنا هو تيشيرت ابني .. ولون أوضته وشكل المكتب اللي بيذاكر عليه..
يبقي عايز يلبس الأسود نقول له لأ البرتقاني أشيك وعمتك ما شافتكش من زمان لازم تبقي شيك.. شيك من وجهة نظر مين؟
تبقي بتحب اللون البمبي تدهن له أوضته بمبي.. وتبقي عيشته بمبي لو فتح بقه وقال مش عاجبني اللون... وهكذا يطلع الواد نسخة صغيرة مننا.. يفضل يأجل ف أحلامه لحد ما يكبر ويبقاله بيت ويبدأ يمارس ديكتاتوريته ويدهن الأوضه باللون اللي بيحبه ويتفلقوا ولاده .. ما فيش رأى ورأي آخر... وبنرجع نستغرب إن ما فيش تغيير ف حياتنا..
المشاركات
ليست هناك تعليقات:
إرسال تعليق