ما تفوق بقى
واقلع قناع المهزلة
مش هي دي
ولا عمرها
هاتكون حكاية مذهلة
كان حلمها ترسم على قناعك خطوط
ازرق ودهبي وكينج توت
آخرتها هاتحطك هناك
على حيطة زاهية ف مخها
برواز .. حكاية عشق مرت وانتهت
ف الزحمة لو كان لك مكان
أنتيكة وسط قلوب رخام
كانوا ف يوم عشاق لها
اكبر بقى واعقل يالا
خلي ملامحك ترسمك
انسان بضحكه مجلجله
اضحك عليك
وع السنين الرمل من بين الصوابع تنفلت
أو حتى ابكي م الجروح
مش مشكلة
هاتلاقي نفسك في الشوارع والدقايق
ف كل حتة وكل وقت
مستنياك ترجع لها
المشاركات
جامده جدااااااااااااااااااااااااااا يا باش مهندس هيبه
ردحذفبجد حلوة اوووووووووووووي تحس انها بتزلزل الواحد كده استني اقراها تاني
برده انا الغير معرف بارجع واقول جامده بجد بس نفسي فعلا الواحد مايبقاش انتيكه ياتري عرفت مين ولا خلاص انا اتنسيت
ردحذفف الزحمة لو كان لك مكان...... مش عارفه حاسه ناقصها حته؟؟؟ ايه مش عارفه؟؟؟؟
ردحذفهااااااا ايه باتكلم صح ولا ايه
شكرا لتعليقك.. تعرفي ان ده تاني تعليق ع المدونة؟ يمكن عشان انت ماشفتيش مدونة مكتوب .. عموما نورتي
ردحذفلو عندك وقت ابقي ادخلي ع اللينك ده
http://oombenanemshy.maktoobblog.com/
المدونة على مكتوب التعامل معاها أسهل
مش عارف ايه اللي حاسساه ناقص
ردحذفخرتها هاتحطك هناك
على حيطة زاهية ف مخها
ف الزحمة لو كان لك مكان
دا طبعا من كتر الناس اللي هي حطتهم في مخها وركنتهم ف الزحمة ف لو ليه مكان هاتحطه لو زحمة هاترميه .. بس
خلي ملامحك ترسمك ... انــســـان بضحكة مجلجلة :))))
ردحذفحلوة أوووي يازيكوو