المنظر .. ليل خارجي
مطلع كوبري
وحتة من الكورنيش والنيل
ضوء خافت يتمرجح على سطح الميه
وما فيش مانع .. يظهر مركب صياد
قاعدة مراته بتغسل حلة كبيرة ....
أو لِبس
وما فيش مانع برضه
تظهر بنت ف وسط المركب
بتكلم واحد ف التليفون
أو ماسكة ف إيدها مراية وبتسرّح
أو واحد ماسك سنارة ..
وعامل نفسه بيصطاد
يتنقل المشهد على ضهر الواد والبنت ببطء
بادئين حدوتة عشق بسيطة
هوّ ... غاية تفكيره
إنه يحاول يسرق بوسة أو حضن وبس
هيّ .. آديها بتتفسح .. وبتهرب من خنقة ليل وحدتها
أو يمكن حلمها يتحقق
وتقدم له ف بيتهم
- لما هاييجي يفاتح أبوها -
قزازة بيبس
بعد شوية ...
لما المصروف يخلص من جيبه..
ع الحاجة الساقعة وع الترمس والتاكس
لما يقول:
هاقدم نفسي لابوكي ازاي..
وانا مش شغال
هاتقول له انا جاي لي عريس
- مافيش تجديد ف النًص –
من أيام السينما الأبيض واسود
نفس الجملة بتتقال
* * *
نفس المنظر
بس الضوء هايقل شوية
وتبان حتة من التمثال
ع القاعدة.. واحد قاعد
بيمثل دور الشحات
دقنه بتلمع وهدومه نضيفة
- ناقص بس تشم البارفان –
ما هي لو ريحته الوحشة هاتظهر
سكان الحتت الراقية
هايتقرفوا يمدوا له ايديهم
هنا تظهر من آخر السكة..
عربية حديثة
تنزل بنوتة جميلة وتديله فلوس
وبواقي الوجبة الجاهزة
والباقي ف كوباية الموكّا
يتكرر نفس المشهد ببنات أو ستات تانيين
بس شعار المطعم يتغير
سلينترو .. مؤمن .. تكّا
والشحات بعد ما تخلص وردِيته
هايشاور للتاكس وهايقوم
* * *
مشهد تالت
والمنظر هو المنظر
وانا راجع م الشغل
بمثل إني موظف ف وكالة كبيرة
بمدير عامل نفسه بيفهم ومهم
وحتة واد أراجوز
عامل نفسه رئيس القسم
تمثيله ضعيف
بس المخرج عايزه يمثل!!
وانا حاطط إيدي ف جيبي
وماشي بدخن
على وشي....
مش عارف أحط التعبير الصح
فرحان وللا تعيس
هايخف الضوء خالص
والمشهد يخلص..
وانا متشعبط ف الأوتوبيس
* * *
مشهد رابع .. خامس .. سادس
ماحدش زهقان م العد
والمخرج شايل ايده
أحيانا نايم ع الكرسي
أحيانا .. راح يعمل عملية
وكتير مش موجود
مش عارف حتى يمثل دور المحرج
... اللي بجد
وسايبنا نألف حركاتنا
وكتير بنحاول نسرق كاميرات بعض
بيقولوا ساعات..
إن المخرج ساب العرض خلاص
وواحد من طقم الإخراج
بيحضر حدوتة جديدة
بس مؤكد هايسيب طقم التمثيل
من غير تغيير
نفس الأدوار والأشخاص والكومبارس
بس هايحصل تغيير جامد في مكان ما
ممكن دار العرض
مطلع كوبري
وحتة من الكورنيش والنيل
ضوء خافت يتمرجح على سطح الميه
وما فيش مانع .. يظهر مركب صياد
قاعدة مراته بتغسل حلة كبيرة ....
أو لِبس
وما فيش مانع برضه
تظهر بنت ف وسط المركب
بتكلم واحد ف التليفون
أو ماسكة ف إيدها مراية وبتسرّح
أو واحد ماسك سنارة ..
وعامل نفسه بيصطاد
يتنقل المشهد على ضهر الواد والبنت ببطء
بادئين حدوتة عشق بسيطة
هوّ ... غاية تفكيره
إنه يحاول يسرق بوسة أو حضن وبس
هيّ .. آديها بتتفسح .. وبتهرب من خنقة ليل وحدتها
أو يمكن حلمها يتحقق
وتقدم له ف بيتهم
- لما هاييجي يفاتح أبوها -
قزازة بيبس
بعد شوية ...
لما المصروف يخلص من جيبه..
ع الحاجة الساقعة وع الترمس والتاكس
لما يقول:
هاقدم نفسي لابوكي ازاي..
وانا مش شغال
هاتقول له انا جاي لي عريس
- مافيش تجديد ف النًص –
من أيام السينما الأبيض واسود
نفس الجملة بتتقال
* * *
نفس المنظر
بس الضوء هايقل شوية
وتبان حتة من التمثال
ع القاعدة.. واحد قاعد
بيمثل دور الشحات
دقنه بتلمع وهدومه نضيفة
- ناقص بس تشم البارفان –
ما هي لو ريحته الوحشة هاتظهر
سكان الحتت الراقية
هايتقرفوا يمدوا له ايديهم
هنا تظهر من آخر السكة..
عربية حديثة
تنزل بنوتة جميلة وتديله فلوس
وبواقي الوجبة الجاهزة
والباقي ف كوباية الموكّا
يتكرر نفس المشهد ببنات أو ستات تانيين
بس شعار المطعم يتغير
سلينترو .. مؤمن .. تكّا
والشحات بعد ما تخلص وردِيته
هايشاور للتاكس وهايقوم
* * *
مشهد تالت
والمنظر هو المنظر
وانا راجع م الشغل
بمثل إني موظف ف وكالة كبيرة
بمدير عامل نفسه بيفهم ومهم
وحتة واد أراجوز
عامل نفسه رئيس القسم
تمثيله ضعيف
بس المخرج عايزه يمثل!!
وانا حاطط إيدي ف جيبي
وماشي بدخن
على وشي....
مش عارف أحط التعبير الصح
فرحان وللا تعيس
هايخف الضوء خالص
والمشهد يخلص..
وانا متشعبط ف الأوتوبيس
* * *
مشهد رابع .. خامس .. سادس
ماحدش زهقان م العد
والمخرج شايل ايده
أحيانا نايم ع الكرسي
أحيانا .. راح يعمل عملية
وكتير مش موجود
مش عارف حتى يمثل دور المحرج
... اللي بجد
وسايبنا نألف حركاتنا
وكتير بنحاول نسرق كاميرات بعض
بيقولوا ساعات..
إن المخرج ساب العرض خلاص
وواحد من طقم الإخراج
بيحضر حدوتة جديدة
بس مؤكد هايسيب طقم التمثيل
من غير تغيير
نفس الأدوار والأشخاص والكومبارس
بس هايحصل تغيير جامد في مكان ما
ممكن دار العرض
المشاركات
العزيز أيمن
ردحذفكلماتك بسيطة وسهلة جعلتني اشعر باننا كلنا بنمثل من اكبر راس لاصغرها
تقبل مرورى