كان قاعد جنبي
بيشرح لزياد العربي
الفعل المعتل الأجوف والناقص
وبيقرا ف سورة طه
والواد - من روعة ترتيله - يعمل مش سامع
ويقول له :إقراها كمان ..
ويقولها وراه
كان ناقص..بس شوية تخن ف صوته
ويقلد صوت جده .. في التفخيم والترقيق
وعيون الواد تلمع بالفرحة
لما يقول له هايعمل إيه في اللجنة الثقافية
اللي انتخبوه علشان يمسك أمانتها
قعدتهم .. بصاتهم .. طريقتهم مرحة
بعد ماخلّص شرح
وقراية ف سورة طه
قال له زياد:معلش يا جدو .....
لإني سرحت مع الشرح ...
ونسيت على روحك أقرا الفاتحة
ابتسم الشيخ الطيب من غير تعليق
كانت روحه بتطلع تقعد ويانا ساعات
من جرح ف قلبي بقاله تسع سنوات
وبتدخل من نفس الفتحة
بيشرح لزياد العربي
الفعل المعتل الأجوف والناقص
وبيقرا ف سورة طه
والواد - من روعة ترتيله - يعمل مش سامع
ويقول له :إقراها كمان ..
ويقولها وراه
كان ناقص..بس شوية تخن ف صوته
ويقلد صوت جده .. في التفخيم والترقيق
وعيون الواد تلمع بالفرحة
لما يقول له هايعمل إيه في اللجنة الثقافية
اللي انتخبوه علشان يمسك أمانتها
قعدتهم .. بصاتهم .. طريقتهم مرحة
بعد ماخلّص شرح
وقراية ف سورة طه
قال له زياد:معلش يا جدو .....
لإني سرحت مع الشرح ...
ونسيت على روحك أقرا الفاتحة
ابتسم الشيخ الطيب من غير تعليق
كانت روحه بتطلع تقعد ويانا ساعات
من جرح ف قلبي بقاله تسع سنوات
وبتدخل من نفس الفتحة
المشاركات
ليست هناك تعليقات:
إرسال تعليق