نائم كاني قتيل
مقتول كاني صحيت
فجأة من الدنيا
ف عز هذا الموت
وف عز هذا البرد
- زي الحنش يقرص -
مشغل المروحة
الدنيا كانت عندي
ومروحة
حايلت ما اتحايل
والقلب من كتر الهموم شايل
بدل البدن بدنين
قالت لي ولا ثانية
وقتك معايا خلاص
المش ف البلاص
زي العسل الاثنين
ليهم أوان يخلص
وأنا لسه عيل قلبي ما فرحشي
أنا لسه في عشق الحياة تلميذ
لسه ف سنة أولي
والدبلة ف أديا اليمين
فضة ف بياض الطلة يانسرين
هأنقلها للتانية
نبقى ف سنة تانية
مين جابني م الرملة هناك
وفردني ع الفرشة
- جهزتها بإيدي ليوم الفرح -
نايم وفوقي المروحة دائرة
لكن مافيش نسمة هوا جايه
رجليا شوالين ملح
والأهل حواليا
مستنيين تطلع جنازتي الصبح
المشاركات
ليست هناك تعليقات:
إرسال تعليق